Labanan sa Libya

Sa warii’t hindi parang naiiba

nangyayaring gulo sa bansa ng Libya;

Kaguluhan doon ay isa nang gyera

pagka’t magkalaban ay armado kapwa!

Kampo ni Khadafi handa at armado

ang kalaban naman kababayan nito;

Hindi masasabing maganda nga ito

sapagka’t civil war sumiklab na rito!

Una’y inakalang ang gulo sa Libya –

hanap ng rebelde – laya’t demokrasya

Pero bakit kaya rebelde ang asta –

kontra sa gobyerno ay armado sila!

Ubusan ng tao, ng bala at kanyon

doo’y naghahari sa bawa’t maghapon;

Kaya dapat lamang umalis na roon

mga Pilipinong may empleo roon

Sayang na sayang nga’t hindi people power

ang panig ng doo’y laban sa government;

Kung ila’y payapa at walang armament

ang tagumpay nila atin ding dalangin!

Kaya nagtatanong ang maraming tao

bakit magkaaway ay kapwa armado?

May iba bang bansa na kasali rito’t

ang mga rebelde’y siyang suportado?

Armas ng rebelde’y armas ni Kadhapi

na s’yang ginagamit ng mga inapi?

Dahil matagal nang siya’y naghahari

lumaban sa kanya’t ayaw pakandili!

Kaya tumpak lamang mga Pilipino –

ilikas ng DFA – ng ating gobyerno;

Mga naillikas pasalamat kayo’t

ang ilikas pa’y hangad ng Pangulo!

Dahil malubha na takbo ng labanan –

itong si Kadhapi ay lalong tatapang;

Ang kaaway niya’y kanyang kababayan –

ang makapagbababa’y tanging kamatayan!