Nitambong sa limbatianong santos ehersisyos ang apohan ug ang iyang babaye nga apo. Daghang mga manambongay ang naglukso-lukso ug nagsiyagit taman sa ginhawa. Ang apo nangutana ngadto sa iyang apohan: “Lola, unsa may ipasabot sa ilang paglukso-lukso diha? Anaa na ba kanila ang Espiritu Santo?” Ang apohan nagkanayon: “Dili nato tan-awon ang gitas-on sa ilang linuksohan kundili ang matang sa kinabuhi nga ilang gipuy-an sa panahon nga sila nakatugkad na sa yuta. Kini mao ang labing bililhon.
Pamalandong
Maayo man ang pagpakita nga kita madasigon sa mga balansayon sa atong relihiyon apan ang bililhon mao kun nag-unsa man kita sa atong inadlaw nga pagkinabuhi. Ikaw gidasig ug gibuhi ka ba sa Espiritu Santo?