Ang populasyon sa Central Visayas ang miabot na kapin sa unom ka milyon gibasi sa didaghanon sa 2007, nga dili pa lang dugay gibuhian sa National Statistics Office.
* * *
Ang samang figures, nagpakita nga ang gidaghanon sa kaminyoon mikubos kapin sa usa ka libo itandi sa tuig 2005 nga datus.
* * *
Ang gidaghanon sumala sa mga kadagkuan sa NSO, naghatag kanila’g kasayuran nga ang gidaghanon sa mga magtiayon nagpuyo nga walay matrimonyo sa kaminyoon kon nagpuyo-puyo lang. Kini giingon nga tungod sa kalisud sa panalapi.
* * *
Tinuod kini, dili imposible nganong daghang mga magtiayon nakahukom nga mag-ipon nga walay kasal tungod sa kamahal sa gastohan sa kasal, matud pa ni Firmo Deputado, ang Cebu Provincial Statistics Officer.
* * *
Si NSO-7 director Arnel Florendo nag-ingon wala sila magdasig sa mga magtiayon nga magpuyo nga walay matrimonyo sa kaminyoon. Basi sa statistics gibuhian sa NSO, ang gidaghanon sa minyo narehistro sa ilang buhatan gikan sa 2005 ngadto sa 2007, mihinay kon mikubos. Ang dako nagpakita sa mga 2005 adunay 37,961 ang narehistro nga kaminyoon. Ang gidaghanon mikubos ngadto sa 36,325 sa 2006, ug miuntol kini og gamay ngadto sa 36,796 sa 2007.
* * *
Ang financial crisis nakita maoy nag-unang katarungan ngano ang mga nanaghigugmaay dili buot nga bugkoson sa talikala sa kaminyoon sa tibuok nilang kinabuhi.
* * *
Si Florendo, nag-ingon nga ang pagminyo nagkinahanglan og daku nga salapi aron gastohon sa kasal, kay gani ang pagminyo didto sa mga kabarangayan mogugol man og dul-an sa P30,000, ug labaw pang daku ang galastohan sa kasal didto sa mga siyudad. Tungod niini, ang mga maghinigugmaay modangop na lang sa pagpuyo-puyo kon living-living matud pa, kini tungod lagi sa kalisud sa panalapi.