Ang Sinulog 1980

Alegre na gud kaayo ang Sinulog. Nagkanindot ug nagkadaghan ang na-attracted na niini. Gani, usa na kini ka international event. Ang matag tuig nga pagsaulog nagmalampuson, bisan pa usahay sa hulga sa dautang panahon.

Apan, taliwa niining atong pagsaya, maayo sad tingali nga molingi kita makadiyot sa sinugdanan niining tanan.

Kahinumdom ko nga sa usa sa mga tigum sa ARENA7 (Association of Regional Executives of National Agencies in Region 7), gi-introduce ni kanhi Customs Collector Boy Odilao, kinsa niadtong tungura siya ang director sa MYSD kon Ministry of Youth and Sports Development, ang ideya nga gawas sa iyang pagka-religious event, ang Fiesta Señor hatagan og socio-cultural color – pinaagi sa pagdala sa pagsinulog sa mga tindera sa kandela gawas sa Basilica, ngadto sa kadalanan.

Una kadto nakong pagkadungog sa pulong Sinulog sa ato karong nasinati. Ug tungod kay daghan mang mag-sinulog sa nagkalainlaing dapit sa nasud, nagdebosyon sa Sato. Niño, gitataw ni Odilao nga ang ngalan: Sinulog sa Sugbo - halad kang Sto. Niño de Cebu. Unang gihimo mao nga ang mga organizer nagpatudlo sa mga tindera sa kandela pagsayaw sa sinulog. 

Sa unang Sinulog souvenir program, 1980, gipatik ang mga nagpaluyo sa Sinulog sa Sugbo: Under the auspices of the Ministry of Youth & Sports Development, The Agustinian Community, Cofradia del Santo Niño de Cebu, in cooperation with the City Government of Cebu, Arena 7, Rotary Club of Talisay.

Gawas kang Odilao, mihatag sa mga mensahe sila si Gobernador Eddie Gullas; Mayor Florentino Solon; Fr. Medardo Durmiendo, Rector sa Basilica; ug Mrs. Josefina R. Gullas, presidente sa Cofradia del Sto. Niño.

Mga estudyante ning mosunod nga mga tunghaan ang misalmot: CCC, CIT, CSAT, CSJ-R, SWU, USC, USP, ug UV. Samtang ang mga barangay: Kalubihan, Habagatan, Pagatpatan, Dunggoan, Kasapaan, Kamagayan, Parian, ug Pili-Kanipaan.

Ang Executive Committee, gilangkoban nila ni Mayor Solon isip Honorary Chairman, Boy Odilao, Chairman ug mga sakop sila si Fr. Durmiendo, Mrs. Josefina Gullas, Labor Director Francisco Arnado ug Atty. Leonardo Manlosa.

Ang mga tawo nga na-involved sa produksiyon, kaabag ni Odilao, sila si:Loreto M. Palapos, Freddie Mendoza, Myhc Gonzales, Jess Labrador, Domingo Estabaya, Resil Mojares, Virgilio de la Victoria, Diana Panal, Herminia de Leon, Carmen Angbetic, Salustia Dadula, Dolores Suzara, Mary Aracan, ug Andrea Tecson.

Sa nagkalainlaing komite: Director Gene Labella, Orlando de Fiesta (ang nag-design sa cover, winner sa Sinulog sa Sugbo poster-making contest, sa NMPC), Atty. Manuel Oyson, Jr., Eleodoro Mongaya, Juanito Jabat, Col. Rodrigo de Guzman, Col. Guillermo Corazo, Capt. Fritz Quiñanola, Lt. Rodrigo Inoferio, Mrs. Estela Manuel, Dalmacio Bermillo, Jocelyn Fuentes, Norma Olmos, Juliet Arceo, Melanie Bongbong, ug Alex Lopez.

Ug mga presidente sa nagkalainlaing misalmot nga mga tunghaan, sila si Augusto Go, Don Rodolfo Lizares, Sr., Mr. Atanacio Elma, Rev. Fr. Hernando Coja, Engr. Matias Aznar III, Rev. Fr. Gregorio Pizarro, Engr. Oscar Jereza, ug Mrs. Josefina Gullas. Kun unsa karon ang Sinulog, kini tungod sa mga tawo nga nagpasiugda niini, ug sa mga tawo nga misunod kanila nga mipadayon pag-ugmad ug pagpalambo niini. 

Kanatong tanan, Pit Senior!