Kabahin sa kalami

Usa ka anak ang kuryosong nagtan-aw sa iyang inahan nga nagluto og linat-ang baka. Misugo ang inahan nga pakuhaon og asin ang iyang anak kay lagi dili pa husto ang kaparat sa maong sud-an. Ang anak nangutana ngadto sa iyang inahan. “Ma, giunsa man nimo pagkasayod nga kulang sa kaparat ang tanang linuto nga unta mikandos ka ra man og diyotay lang nga sabaw niini?” Ang inahan mitubag: “Dili na kinahanglanon nga akong kandoson ang tanan aron matino nga kulang sila sa kaparat. Kay ang kaparat sa gamay nga bahin mao usab ang kaparaton sa kinabag-an!”

Pamalandong

Ingon usab niini ang katilingban. Ang dinagkong mga krimen ug sala ang magagikan gayud sa mga ginagmay’ng binuang! Ang katilingbanong pagdisiplina ang magasukad usab sa pagdisiplina usab sa kaugalingon nato.