Nagsubwak na ang mga nurses

Tungod kay pinangita kaayo ang mga nurses didto sa gawas sa nasud ug kasagaran sa mga gipangita mga Pinoy nurses mibaha sa mga tunghaan ang mga tinun-an nga mikuha sa kursong nursing. Gani tungod kay nagsubwak na ang mga nursing students, ubay-ubay nga mga Colleges and Universities dinhi sa Sugbo ang mitanyag sa maong kurso ngadto sa publiko.

Bisan mahal ang pagpatungha sa maong kurso daghan gihapong mga ginikanan ang mipili niini sa pamasin nga human unya makalampos ang ilang anak sa pagtoon deritso dayon kining makatrabaho didto sa gawas sa nasud.

Tungod kay gikinahanglan kaayo ang mga nurses didto sa gawas sa nasud hinungdan nga daghan ang gustong mag-nurse gipahimuslan upod pagmaayo sa mga nursing schools ug mga training hospitals ang mga gustong mag-nurse kay bisan ang imong pagboluntaryo sa pagtrabaho sa hospitals pabayron ka pa. Ang mga hospitals nga gitabangan sa paghikotar sa ilang mga pasyente nagpabayad pa hinoon. Sa laktod, gasto kaayo ang pagpatungha sa kursong nursing dinhi sa nasud.

Apan sa datus nga gipagawas sa komitiba ni Senador Pia Cayetano sa Senado miabot na ngadto sa 160 mil ka mga nurses dinhi sa nasud ang walay mga trabaho. Mao diay kini ang hinungdan kun nganong adunay daghang mga nurses nga nagtrabaho sa mga call centers kay daghan na diay kaayo sila.

* * *

Nangayo og pasaylo ngadto kang piskal Mabanto ang hapon nga namasangil kaniya og pagpangulata. Si Miyaochi gipasaylo ra usab sa piskal. Sa katapusan naleksyon ra gayod ang hapon nga abusado. Abusado tungod sa kadaghang reklamo nga iyang giatubang dili lamang dinhi sa Sugbo kun dili lakip na didto sa Leyte. Sunod do pagbinut-an na kay di ni imong teritoryo.