Pasiuna

Kini ang “Pinalangga kong anak” mga pulong nga nadungog gikan sa panganod human kabunyagi si Jesus ni Juan Magbubunyag. Mga pulong kini nagmatuod kun unsa ka espesyal si Jesus ngadto sa Langitnong Amahan. Mga pulong kini nagpakita kun giunsa usab pagpuyo ni Jesus ang iyang pagka-pinalanggang Anak sa Amahan.

Pagpalawom

Ang sukaranan sa usa ka Amahan nga iyang paga-isipon ang iyang Anak nga iyang pinalanggang Anak mao kining mosunod:

1. Una, tungod kay ang Anak dugo sa dugo sa iyang dugo ug busa dili mahimong pasagdan.

2. Ikaduha, salamin kini sa iyang mahigugmaong paghatag sa kaugalingon diha sa mahigugmaong pakiglambigit sa iyang hinigugma.

3. Ikatulo, kini tungod kay tawag sa Amahan nga iya gyud nga higugmaon ug alimahan ang iyang Anak.

Sa laing bahin ang usa ka anak ang mohigugma sa iyang Amahan pinaagi sa:

1. Pagtuman sa kabubut-on niini.

2. Pagtamod sa mga balaod niini.

3. Paghimo sa kaugalingon ingon nga dungog ug garbo niini.

Implikasyon niini sa atong inadlaw ug Kristohanong pagkinabuhi

Si Jesus sa iyang kinabuhi ug ministeryo ang mipakita sa iyang kamasinugtanon ug kamatinud-anon ngadto sa iyang Amahan. Ang iyang dakong paghigugma mao ang nihimo kaniya nga manggihatagon sa kaugalingon hangtud na sa iyang kamatayon. Kita ingon nga mga anak sa Dios ang gidapit nga mamahimong matinumanon adlaw-adlaw sa atong kinabuhi sa bisan unsang balaod nga iya sa Dios nga atong Amahan. Ang bunyag mao ang nagdapit kanato aron pagapuy-an kining maong tahas adlaw-adlaw sa atong kinabuhi.