Seguro ka Dro nga kun di pa ta daghan mga dato' unta tang tanan ron?"

Maghisgot tag kawad-on, ang pirme nilang pasanginlan, mao gyud ang overpopulation. Nga kun mga 10 milyones ra ang population sa atong nasud karon, mga dato’ unta silang tanan, kay gamay ra man sila, ug ikaw ug ako, ug ang laing 75 milyones ka Pinoy, dili unta makadugang sa problema kay gipang-abort man ta nila.

Alang nila, aron dili magsangkiig sa tumang kawad-on ang mosunod nga generation, kinahanglan kontrolahon ang population, kinahanglan mangitag paagi aron dili mangamabdos ang atong kababayen-an.

Alang nila, dili kinahanglan kontrolahon ang pakighilawas kay supak kini sa freedom of choice ug supak sa ilang Konstitusyon. Kinahanglan patuyangan ang sex, basta dili lang momabdos.

Gihatagan of free will sa Ginoo ang tawo, kinahanglan respitahan kini. Kinahanglan dili pugngan kun unsa ang gusto sa tawo, kun maoy diktar sa iyang konsiyensiya. Kun ang konsiyensiya tingog sa Dios, nan, atong tumanon ang maong tingog.

Mao kini ang ilang baruganan, ug nasuko sila sa Simbahan kay nagpunay og pahinumdom nga ang ilang negosyo nga condom ug U.S inspired nga mga contraceptives, supak sa kabubut-on sa Labaw’ng Magbubuhat. Alang nila, maoy gusto sa Ginoo ang paggamit og condom ug ubang mga contraceptives, ug sayop ang Simbahan. Gani, matud nila, maoy gusto sa Ginoo ang pagpatunhay og dekalidad nga mga banay.

Ug kini, gisultian kono sila sa Ginoo nga ang RH bill ray makahimo niini, ug dili ang Simbahan.

Niay gikan ni Fr. Cecilio Magsino sa Loyola Heights, Quezon City: “Having fewer people does not necessarily mean you can get more of the pie. Having fewer people really means less economic activity. A poor family in the countryside selling lumpia would want as many people to come and buy the lumpia it produces. If you decimate the population, fewer people would buy his lumpia. Will the family be richer?

Sa ato pa, kun mamaligya kag ginamos, maoy imong gusto nga daghan ang mamalit sa imong ginamos. Apan, kun diyutay ra ang imong silingan, pila lang ka bubong, natural, gamay ra sad ang mamalit sa imong ginamos.

Ang ka-gamay sa population, dili makapahaw-as kanimo sa kawad-on, aron adto na ka mamaligya sa Ayala o sa SM, ug ang imong baligya dili na ginamos, kondili, house & and lot na.

Midugang si Fr. Magsino: “The causes of poverty lie elsewhere and not in the size of a country’s population. Look at the richest countries in the world: the United States and China. They have big populations.”   Bitaw no, ngano matuod nga mga rich man ni sila? Buot ipasabot ni Fr. Magsino nga dili ang gidaghanon sa population ang magbuot sa kahimtang sa tawo.

Tingalig tinuod ang giingon ni Noynoy nga kun walang corrupt walang mahirap. Ato kono una ning suwayan, sa dili pa kita modangop sa mga condom ?