Nganong gisirhan man ang Mandaue city college?
Dili pa dugay, gisirhan sa Ched ang Mandaue City College nga gidumala ni Dr. Paulus Cañete. Apan ang Mandaue City College nga gidumala ni Dra. Susana Cabahug wala hilabti ug padayon karon nga nag-operate.
Tungod kay gisirhan na man ang nahisgotang eskwelahan makaingon kita nga apektado gyod ang pagtuon sa kapin ka libong mga estudyante kay mahasol ug maguol man sila niini. Dakong suliran kining kahimtanga nga mitumaw lang og kalit diha sa Mandaue ug nag-angat pa gyod ang Pasko ug Bag-ong Tuig.
Nganong gisirhan man og kalit daw kilat ang Mandaue City College Cañete Wing? Politika ba kaha ang nagpaluyo ning tanan?
Nangutana lang ta. Asa na man lang unya paingon ang liboan ka mga estudyante nga gisirhan na man ang ilahang school?
Madawat pa ba kaha og laing eskwelahan ang mga apektadong estudyante nga tapos naman ang enrollment sa second semester?
Kinahanglan pangitaan kining usa ka epektibong solusyon sa mga kadagkoan nato karon. Dili baya sayon kining problemaha. Hugot akong nagatuo nga dakog mahimo si PNoy ning butanga kay siya man ang Presidente nato karon.
Pagpalambo ba kini sa atong educational system dinhi sa atong nasud nga gisirhan naman ang Mandaue City College Cañete Wing diha sa Mandaue?
Mag-ampo kita ngadto sa Diyos nga unta masulbad kining problemaha sa madaling panahon! Di ba o.k.?
- Latest
- Trending
