Fake drugs

Midagsang karon ang mga fake nga drugs nga mi-claim nga makatambal sa hapit tanang sakit sa tawo. Maayong magbantay, kay gawas nga kini adunay purohan dili makaayo, tingali unya hinoon og makadaut pa gyud.

Gumikan sa ka-mahal sa mga tambal ug pagpatambal, daghan nang mga alternative nga mga medisina o mga food supplement nga mo-claim nga daghang sakit ang maayo.

Sa London, usa ka 15 anyos nga estudyante, si Rhys Morgan, aksidenting nakakaplag og usa ka fake nga so-called miracle drug, tapus sa iyang pag-research og tambal sa iyang sakit gitawag og Crohn’s disease.

Iyang nasindolan ang usa ka substance, ginganlan og Miracle Mineral Solution (MMS), nga kono makatambal sa AIDS, hepatitis A,B & C; malaria, herpes, TB, cancer ug ubang mga grabeng sakit sa tawo.

Ang nagmugna ning maong tambal, pinaagi sa website, mi-claim nga ila kining gisuwayan sa kapin sa 75,000 ka tawo sa Africa, ug nga siya mismo, nakatambal ginamit ang MMS sa kapin na sa 2,000 ka nasakit sa malaria.

Impressive kaayo. Apan maoy nakita ni Morgan nga dili tinuod ang gi-claim sa maong tambal. Ug kini iyang gi-feed sa iyang twitter page.

Ang US Food and Drugs Administration, pinasikad sa findings ni Morgan, mi-issue og warning batok ning maong tambal, nga kono,”when used as directed, produces an industrial bleach that can cause serious harm to health,” samtang ang Britain Food Standards Agency miluwat usab ning pasidaan nga “when taken as directed it could cause severe nausea, vomiting and diarrhea.”

Dinhi sa ato, unsa man?

* * *

Ang World Bank (WB) miawhag sa Aquino administration pagpahunong na sa rice subsidy nga alang unta sa kabus nga mga banay, kay matud pa, kining maong programa nakahatag lang og dugang alkanse sa gobyerno.

Nakita nga sa matag P1 nga subsidy, ang NFA mogasto og gikan sa P3 ngadto sa P8.60 matag hatag sa maong assistance. Ug daghang leakage ang nakit-an, diin katunga sa bugas nga mabaligya sa NFA dili kapahimuslan sa intended nga mga kabus, kundili, adto mahipunta sa may arang-arang nga pagkabutang.

Puli sa rice subsidy, maayo pa kono ang direct cash assistance. Apan, kinahanglan pangitaag paagi nga adto gayud sa intended nga mga beneficiaries mahipunta ang cash assistance.

Kun tumanon ang maong mga sugyot sa WB, maoy atong panghinaut nga dili unya kini makahatag og mas dakung suliran, kay mora ra bag mosanting dayon ang atong mga dunggan inigkadungog nato sa pulong cash.