Ang Department of Health nangayo og P32.7 bilyones nga budget, P880 milyones niini ipamalit og contraceptives ug mga condom. Sila si Senador Pangilinan ug Drilon gianugonan sa maong kwarta. Matud nila, usa kini ka dakung pag-usik-usik sa nagnihit nga kwarta sa lungsod.
Pila kaha ka libo ka masakiton ang atong katambalan ning maong kantidad, ug pila na ka hospital sa tibuok nasud ang kaayudahan niini inay nga ipamalit lag condom?
Nangutana si Pangilinan nga kinsa kadtong gustong mogamit og condom, ngano nga ang lungsod may pagastoon? Aron pagtagbaw sa imong kahidlaw sa lawas, buy condom yourselves, sugyot ni Pangilinan.
Bitaw, ngano man tuod nga kita may papapaliton og condom alang niadtong gustong motakmag ni bisan kinsa?
* * *
Abuse of authority. Kun ang usa ka police mang-harrass ug mo-torture sa usa ka suspetsado, abuse of authority kani. Kun ang kadagkuan sa mga government owned and controlled corporations magpatuyang pag-appropriate ngadto sa ilang kaugalingon, mga dagkung sweldo ug mga allowances, usa kini ka abuse of authority, kawat sa atubangan.
Ang paggahin og mga dagkung pork barrel, gitagoan sa ngan Countrywide Development Fund, o Priority Development Assistance Fund, o unsa pa nay ilang i-ngan, usa kini ka abuse of authority. Ug dugang pa, ang pork barrel giila nga usa sa dakung tinubdan sa corruption.
Sa ato pa, tungod kay gipadayon ang pork barrel, gipadak-an pa, padayon usab ang corruption. Hain na man tong giingon nga kung walang corrupt walang mahirap?
Maoy hinungdang nga si Neal Cruz sa Inquirer, misugyot nga duna untay balaud nga magsilot batok sa abuse of authority.
Apan, kinsa man kaha sa atong mga magbabalaud ang mo-file og bill nga mosilot niadtong mo-abusar sa ilang mga gahom ug awtoridad? Mora sila’g magsilot sa ilang kaugalingon?
Atong kutloon si Cruz: “The pork barrel system should be abolished not only because it is an abuse of the authority of legislators to appropriate funds but also because it is a big source of corruption that contaminates, like the plague, even private sector and the whole of Philippine society.
“It infects not only the congressmen, but also the private contractors, the public works engineers, the auditors, local government officials, the suppliers, the treasurers and cashiers, even the clerks of the budget department.”
Bitaw no? Daghan tuod ang mabulahan sa pork barrel. Mao ba kini ang hinungdan ngano nga si President Noy dili maka-abolish niini?
By the way, ngano man gyud nga ipaagi man sa mga sakop sa Kongreso ang pag-determine kun asa nga dalan ang aspaltuhon o unsa nga taytayan ang tukoron? Di ba kamao niini ang atong mga public works engineers? Nganong ipaagi man gyud sa pork barrel? Aron lang gyud makautang sila’g kabubut-on sa presidente? Nothing indeed is new.