Ang langgam nga nakuptan AESOP

Usa ka banog ang nakadakop og usa ka gamay’ng langgam alang sa iyang paniudto. Ang langgam ang nagpakiluoy ngadto sa banog: “Palihug buhii intawon ako kay dili ako paigo ni sarang imong ipaniudto sa kapasikaran nga ako gamay pa kaayo!” Ang banog mitubag: “Buang na kaayo ako kun ako kang buhian aron akong pangitaon ang pagkaon nga pangitaonon pa.”

Pamalandong

Sama natong mga tawo. Daghan nato ang buot mohakgom sa mga dinagko inay makontento sa mga ginagmay. Mao nga daghan usab nga mga ginagmay apan tino nga mga kahigayonan ang nahimong nausik tungod sa walay hinungdang pagpangyawat.