Hagit sa mga Kapitan sa Barangay

Samtang ang mga barangay giisip nga labing gamay nga political unit sa nasud, ang mga barangay karon, nakita nga usa ka gamhanang political structure, hinungdan nga sa matag eleksiyon, daghan ang mag-inilogay paglansar pagka-Kapitan ug pagka-Kagawad.

Ug samtang ang barangay elections usa unta ka non-partisan political exercise, ang atong mga political leaders, mosalmot pinaagi sa pagsabak og mga kandidato,kay alang nila, ang mga Kapitan makapalig-on sa ilang grassroots support.

Gawas sa mga allowances gikan sa P8,000 ngadto sa P15,000 matagbuwan, ang mga barangay karon, aduna nay gahin nga P51 billion in Internal Revenue Allotment (IRA) alang sa kapin sa 42 mil ka barangay sa tibuok nasud. Niining kapin sa 42 mil ka barangay, kapin sa 100,000 ang milansar sa miaging election, either pagka-Kapitan o pagka-Kagawad.

Ingon na niini ang pagka-attractive karon ang pagpangatungdanan sa barangay. Hinungdan nga daghan nang mga professional ang naikag paglansar, diin alang nila, mamahimo kining stepping stone sa mas hataas nga pagpangatungdanang publiko.

Mao usay hinungdan nga sa miaging election, ang atong mga lider, pinangulohan ni Pres. Noynoy mismo, nagpakita gyud nga sila mibotar sa tagsatagsa nila ka presinto sa barangay.

Maoy atong panghinaut nga iniglingkod na sa mga bag-ong napili ug sa napilian pag-usab nga mga opisylaes sa barangay, magmatinud-anon unta sila sa ilang mga katungdanan ug kaakohan, regardless kinsa ang ilang mga patron sa miaging election.

Matud ni Marichu Villanueva sa Philippine Star, atong kutloon : ”Barangay officials are supposed to render public service since their mandate is not to preserve their office as their personal and private domain.

Sa ato pa, dili kay Bayan Muna lang, kundili, Ang Bayan ra gyud, ug wa nay lain. Ang mahitabo god, himoon nilang “friends and family affair”ang pagpangatungdanan sa barangay. Inato kaayo, walay professionalism.

Hagit kini sa atong kadagkuan sa barangay. Kay kon buot hunahunaon, ang tanang kaugmaran, anha gyud sa barangay manukad. Nga kon magmauswagon ang tanang barangay sa nasud, mao usab kini ang hulagway sa mga lungsod, mga siyudad, ug mga lalawigan sa tibuok nasud. 

Of course, mag-agad usab kini sa relasyon tali sa kadagkuan sa barangay ug sa kadagkuan sa mga siyudad, mga lungsod ug lalawigan. Ug anaa na kini sa giingon nga charm sa mga barangay captain kon unsaon nila pagkablit ang ilang mayor o gobernador, aron modahili ang mga proyekto ngadto sa ilang barangay.

 Ug alang usab sa atong mga political leaders, suwayan kono natog hikling ang subrang pamolitika. Unsaon nato pag-uswag ini kon mao ray atong trabaho ang pagtan-aw kinsay atong amigo, kinsay kontra. Di ba, Dro?