Alang sa mga batan-ong gusto dayong maminyo, pagdagkot og kolor berde nga kandila. Alang niadtong hapit na molapas sa kalendaryo, pagdagkot og kolor rosas nga kandila. Apan kadtong milapas na apan nangindahay gihapong mahimutang sa salag sa kaminyoon pagdagkot na lang mo og...katol!
Pamalandong
Daghan kaayo ang buot maminyo diha-diha. Daghan na usab ang nilinya aron lagi mamahimong kabahin sa Wanted Pangga nga programa. Dunay nagminyo nga dali ra ug dili buot nga sila mabiyaan sa tren. Pastilan! Ang nakapait kay ang uban nilang nagminyo mga wa pa gyu’y buot! Ambot kun nganong naingon ini ang ilang pagtan-aw sa maong bokasyon. Ang nakapait kay nahimong praktikalan na lamang ang sukaranan kun nganong ang batan-on bag-ohay lang nalutas ang nangahas makigpuyo sa edarang milyonaryo. Apan ang angayan untang hunahunaon nila nga ang kaminyoon dili angayang paspasan aron lamang malipay sa hamubong higayon kundili ang kaminyuon usa ka linugdangan sa duha ka mga binuhat nga naghigugmaay.