Kalimot tungod sa kasuko

Usa ka pari nga propesor sa usa ka seminaryo ang naglagot sa iyang mga estudyanteng seminarista tungod kay daghan kanila ang wala dayon makapasa sa ilang mga paper works. Nangasaba ang pari kanila sa dihang usa ka seminarista ang kalmang mitindog uban ang paghunghong nga “Padre, abli lagi ang imong zipper!”

Pamalandong

Ayaw himoa nga ang kasuko moulipon kanimo hangtud nga makalimot na lang ka sa imong kaugalingon. Dili sa tanang higayon nga ang kasuko magdala kanimo sa garbo nga ikaw kahadlokan kay hibaw-i nga usahay ang imong kasuko maghimo usab kanimong kataw-anan.