Ang dugang duha ka tuig sa high school, pagkakaron, dili maka-improve sa quality sa edukasyon sa atong nasud tungod kay makadugang lamang kini sa mga kakulangon ug ka-inutil sa kagamhanan pagpalambo sa edukasyon sa atong nasud..
Ania ang resulta:
• Dugang tuition.
• Dugang kakulangon sa mga classrooms.
• Dugang kakulangon sa mga textbooks ug ubang kahimanan sa pagtudlo ug pagtuon.
• Dugang plitehan.
• Dugang bawon both sa magtutodlo ug tinun-an.
• Dugang kakulangon sa quality nga mga teachers.
• Dugang kaguol sa mga magtutudlo gumikan sa kagamay sa sweldo.
• Dugang gasto pagpatahi sa uniporme both sa magtutudlo ug estudyante.
• Dugang sa gidaghanon sa mga dropouts.
• Dugang sa gidaghanon sa dili na gyud maka-afford pagtungha.
• Dugang panaglalis sa mga estudyante ug mga driver nga di mohatag og discount.
• Dugang problema sa drug addiction among the students.
Sa ato pa, gumikan ning maong mga suliran sa atong educational system karon, ang gilaraw nga dugang duha ka tuig, maka-defeat sa ilang tinguha pag-improve sa educational system. On the other hand, makadugang hinoon sa problema. Atong masabot nga nagpasagad lang gyud sila. Ambut giunsa ni nilag think.
Ang husto, sulbahon una nato kining existing nga mga problema, una kita mohatag og dugang problema ngadto sa atong mga ginikanan ug mga tinun-an.
* * *
PTA FEDERATION. Ang Cebu City Federation of PTA, Inc., karong bag-o mipili ug mi-induct sa mga bag-ong opisyales alang sa SY 2010-2011. Kini atong nasayran gikan ni Harvey Inoc.
Ang nanumpa atubangan ni Rep. Cutie del Mar, sila si Mario Bacalso, president; Eduardo Cabulao ug Engr. Gilbert Ferolino, vice presidents; Marichu Sabaldan, secretary; Neonita Mayorga, treasurer; Harvey Inoc, auditor; Ruel Hibaya ug Fabian Aves, PROs.
Ang mga sakop sa Board of Trustees: Herschel Bataluna, Rodrigo Ocampo, Felicisimo Alcover, Jr., Resurrecion Jumawan, Ramsy Mercado, Arquilia Gabucan, Isidro Ruiz. Adviser: Dr. Luis T. Derasin, Jr.