Sanla

Ang sakit nga sanla kon Hansen’s disease sa Ingles pa ang ginaingon nga nadala sa mga Sundalo ni Bantugang Alejandro (Alexander the Great) niadtong tuig 500 B.C. ngadto sa Tungang Silingan gikan sa India. Apan walay tino nga sinugdanan kun diin gyud gikan kining maong sakit. Gawas sa pisikal nga aspeto, kining maong sakit apan sa laing bahin, kining maong sakit ang adunay kalambigitan usab sa mga liturhikanhong pamalaod sa relihiyosong Judaismo sa kapanahonan sa atong Ginoo. Mao nga kaniadto ang pari maoy natahasan nga modeklarar nga ang usa ka tawo nga limpiyo ug makahimo nang mosalmot sa bisan unsang kalihukang liturhikal.

Tungod sa gitawag nilang “Ritual Purity Laws” kon mga balaod sa pagpanglinis diha sa Basahon sa Levitico 11-15, nahimong nalatid ang mga utlanan sa pagpanglinis. Nahimong naapil niini ang kalabot sa sanla. Ang si bisan kinsang dunay sanla ang gidid-an nga mosalmot sa bisan unsang liturhikanhong kalihukan. Dugang pa, kining maong sakit ang nakapahimo sa usa ka tawo nga mahilayo gikan sa pakiglambigit ug kahiusahan sa katilingban diin siya sakop. Kini tungod kay ang bisan kinsa nga dunay sanla ang pagalikayan man sa iyang isigkaingon. Apan ang atong Ginoo ning maong ebanghelyo ang wala magsapayan sa nalatid nga utlanan. Hinunoa iyang giayo ang mga sanlahon ug iyang gibalik sila sa kahiusahan ngadto sa katawhan ug katilingban diin sila nahimulag gumikan sa maong balatian.

Ang “aktwal nga sala” (Sala nga atong gihimo matag karon ug unya) maoy nakapahimo kanatong mahugaw atubangan sa Dios. Apan bisan pa niini, ang Dios wala magsapayan niini hinunoa, iya kitang giputli pinaagi sa dugo sa iyang Anak nga si Jesu-Kristo. Dili siya buot sa kamatayon sa usa ka makasasala mao nga gihatagan kita kanunay og kahigayonan nga magbag-o. Matud pa nila: “There are no mistakes but moments of grace.

Adunay kahigayonan gihapon sa pagbag-o ug pag-usab sa kaugalingon. Dili nato himuong babag ang atong mga sala aron kita motubo ug mohamtong ingon nga tawo.

Apas Sumpay

Mapalit na karon sa Archdiocesan bookstore sa may Patria de Cebu bldg ang Sugilandong vo.1 ug 2 sa kantidad nga P110.00 lamang. Anaa usab ang Pulong-Pulong ang binulang giya Pamalandong alang sa mga Lay Ministers sa higayon nga mohimo sila sa Kasaulogan sa Pulong sa matag kapilya sa kantidad nga P120.00 lamang. Ang maong basahon ang naglangkob usab sa mga praktikal nga pamaagi sa paghimo og wali. Kini sinulat ni Padre Reynaldo Cui.