Toll hike sa SLEX

Salamat, salamat umaksiyon si Noynoy

kanyang pinigilan pagtaas ng toll –

Ng mga sasakyan sa expressway South Luzon

na gustong ipataw ng dito’y may control!

At kumilos na rin pati ang Supreme Court

TRO sa VAT kanilang in-approve;

Sa nangyaring ito nakahingang lubos –

mga motoristang noon ay natakot!

Nangamba nga sila sa laki ng dagdag

na balak singilin ng nagpapalakad;

Mga motoristang sa hirap ay sagad

lalo pang gagapang sa bagong pabigat!

Oo nga’t ang SLEX ginagawa ngayon

dapat lamang naman sa bagong panahon;

Mga motoristang nagdaraan doon

triple na ang dami kaysa bilang noon!

Dahil nga sa dami ng mga sasakyang

nagdaraan doon sa gabi at araw –

Kinikita nito’y sobra na at apaw

sa bulsa ng dito ay namumuhunan!

SLEX reconstruction di kayang solohin

ng ating gobyernong kapos sa gastusin;

Kaya tumpak lamang na ito ay gawin

ng mga dayuhang may pondong malalim!

Huwag nang ituloy ang balak na toll hike

pagka’t may solusyong dito at marapat;

Gobyerno’t financiers ay dapat mag-usap –

bayad ng gobyerno ay gawing maluwat!

Sa sistemang ito ay hindi aangal

mga motoristang sa bansa ay dangal;

Mga magsasakang may dalang kalakal

maligaya silang sa SLEX daraan!

At sana Pangulo – iyong kausapin

ang Regulatory Board ay maging magiting:

Huwag basta papayag sa mahal na singil –

nang walang konsulta saka public hearing!