EDITORYAL - Naunsa na ning pagkabutangaha!

Kun ang motorsiklo ni kanhi consultant Byron Garcia sa Kapitolyo nga gisakmit sa Citom, gikan pa sa usa ka carnapper, tingale dako kaayo ang pasalamat ug kalipay ni Byron ngadto sa taga Citom.

Apan kay natandog man ang iyang garbo nga bisan sayop kaayo sa iyang sakop nga nagmaneho sa sakyanan nga walay lisensya, nasuko siya.

Apan nasayud ang publiko sa kasuhito sa balaod ni Byron, kay gawas nga anak siya sa usa ka halangdon ug inila kaayong magbabalaod sa nasud, unya kansang mga igsuon naghupot sa tag-as kaayong katungdanan sa kagamhanan, siya mismo, nahimong inila dili lamang sa taga Cebu kundi bisan sa tibuok kalibutan gumikan sa iyang pagbansay og sayaw sa mga piniriso sa CPDRC, busa dili bastabasta ang iyang kaantigohan.

Unya si kinsa may motuo nga wala siya masayod bahin sa balaod sa trapiko nga ultimong drayber nga wala makatunob og pirmero grado sa eskuylahan nasayud na sa mga lagda nga angayang tumanon kun modala ka og sakyanan.

Ang tawo nga iyang gipamaneho sa iyang motorsiklo walay driver’s license, unya nasuko siyang gisikop kini sa mga otoridad ug giguroy iyang motorsiklo.

Ang Citom wala makaila sa maong drayber, ug bisan nailhan pa, kumo kay walay lisensya, dili mahimong ilang tugotan nga mahakamenho nga walay lisensiya.

 Ang diha sa ilang hunahuna mao ang kahalangdon sa tag-iya sa maong motorsiklo dihang gitug-anan sila nga iya kadto ni Byron Garcia.

Sa tuyo sa mga otoridad nga kaprotihian ang maong sakyanan, sa pamasin nga gikawat kadto sa nagdala ug nagsakay sa maong sakyanan, ilang gi-impound buwahan to . malipay si Byron ug magpasalamat sa kaabtik sa taga Citom.

Apan lahi ang nahitabo, imbis magpasalamat, gipanghimaraot pa ang mga otoridad kay nasayop kuno sa pagpatuman sa balaod. Unsa na ning pagkabutangaha!