Faulty brakes nasad?

Lain na sang bus ang naaksidente. Didto kini nahitabo sa Lutopan, Toledo City, adtong miaging Sabado. Kinse ang patay, daghan ang nangaangol.

* * *

Faulty brakes nasad kuno ang hinungdan. Pirme lang faulty brakes. Apan usa ka beteranong automotive engineer nagkanayon: “Yes, it’s possible nga faulty brakes ang rason.”

* * *

Pero mipuno kining automotive engineer nga usahay dili ang faulty brakes ang hinungdan sa aksidente. “It’s not always the faulty brakes but sometimes it’s the faulty driving that’s the culprit.”

* * *

Matud niya nga ang faulty brakes ra kanunay pasanginlan sa driver. “Ang brakes maoy nahimong ‘whipping boy’ kay dili man kini makasulti, labaw pang dili makamao makilalis.”

* * *

Misugyot kining maong automotive engineer nga dili lang ang mga preno sa bus ang kanunay’ng tsek-apon kundili usab ang “driver expertise” sa mga nagmanehog bus.

* * *

Midugang sa pagsugyot ang engineer nga istriktohon ang pag-eskamin sa mga aplikante sa pagpamaneho’g bus kay sila’y gakupot sa kinabuhi sa ilang daghang pasahero.

* * *

I-apil kuno sa eksaminasyon ang pagbasa ug pagsabot sa traffic signages, lakip na ang international traffic signs.

* * *

TRIVIA -- Maayong buntag diha sa atong mga higala ug readers sa Calamba (karon V. Rama ave. na) ug sa Gansiang, Punta Princesa.