S.O.S.

Usa ka kompaniya ang nakita nga kanunay lang bibo ug anaa ang hudyaka. Mao nga kini gihinganlan og S.O.S. (Sige lang og Saulog). Ang wala lang hisayri niadtong nagpunay lang og ngisi nga kini gituyo sa kadagkoan nila aron matabonan ang ilang kalisdanan diha sa pagpatuman sa gitawag nila og kaangayan.

Pamalandong

Usahay daghan nato ang nahilansang sa mga kasaulogan aron makalimot kita nga dunay problema nga atong atubangon. Apan mas Kristohanon ang paggamit sa salapi sa mga butang mahinungdanon kaysa pagsunog niini diha sa mga fireworks nga igo lang pabuthon aron sa mga matang lingaw kini pagatan-awon ug sa mga tiyang gutom ang pagkaon handumon.