Pork Barrel: Main source sa corruption

Si Neal Cruz sa Inquirer nangutana : “Can Noynoy really stop corruption ?”

Overwhelming kaayo ang kadaugan ni Noynoy. Gawas sa Ninoy-Cory factor, usa sa nakapadaug ni Noynoy (bisag wa pa ma-proclaim), mao ang isyo sa corruption.

Matag pangutana nako sa mga diehard Noynoy, awtomatik nilang tubag: Maayo si Noynoy kay dili mangawat ug iyang wagtangon ang korupsyon. Dili gani sila elaborate sa qualificaion ni Noynoy, kay alang nila, wala kini kinahanglana.

So, ang nasud nga Pilipinhon mituo kang Noynoy nga kung walang corrupt, walang mahirap. Kun unsaon kini niya pag-accomplish, ato ra kining mahibaw-an karong Hulyo 1.

Iya kining battlecry sa kampanya, ug number one kini sa iyang agenda. Ug mituo kaniya ang lungsod. Sa ato pa, kinahanglan, iyang wagtangon ang korupsyon, aron ma-wala na ang kahirapan.

Apan, this early, wa pa gani siya ma-proklamar, daghan nang nangutana kun makapawagtang ba gayud siya sa korupsyon.Ang tanang presidente before Noynoy, napakyas pagpapas sa korupsyon.

Paghingilin nato ni Marcos, ug atong gipuli si Cory, nagtuo kita nga mawagtang ang korupsyon, apan hangtud karon, daku gihapong isyo ang corruption. Ug kun maghisgot tag corruption, matud ni Neal Cruz, what is more corrupt than the pork barrel?

Sa ato pa, kining pork barrel, alang niya, maoy dakung tinubdan sa korupsyon.

“The pork barrel is the appropriation in the national budget disguised as Countrywide Development Fund and Priority Development Assistance, BUT ARE ACTUALLY A BRIBE TO LEGISLATORS.”

Ang pork barrel maoy gihimong kasangkapan aron makuha sa Presidente ang support sa mga sakop sa Kongreso. Mao man gani hinungdan nga gumikan sa pork barrel, mag-iyahay dayug layat ang mga Kongresista ug Senador ngadto sa party in power. Ingon niini ka powerful ang pork barrel. Ug ingon niini ka walay dugokan ang atong mga lider.

Ug matud ni Cruz, kun ang tanang pork barrel gigamit ug gidapat pa sa intended nga mga proyekto, kun walay masaag niini (ambut asa paingon), guwapo na kaayo ang Pilipinas karon. Mora na tag Singapore. “The entire Philippines would be crisscrossed by concrete highways and there would be no shortage of classrooms every time schools open,” nagkanayon si Cruz.

Sa ato pa, kun buot ni Noynoy wagtangon ang corruption, una niyang buhaton mao ang pag-abolish sa pork barrel. Mahimo kaha ni niya? Sa gipasabot ni Cruz, labing daku nga tinubdan sa corruption, mao ang pork barrel.

Bata pa ko, diha nay mga sugyot pag-abolish sa pork barrel. Bisag si Cory wala makapa-abolish niini. Mahimo kaha ni Noynoy?

Iya kahang matuman ang iyang giingon nga walang mahirap kung walang corrupt? Ato ning padayonon paghisgot sa sunod lindog.