Ang kinabuhi diha sa Espiritu

Sa matag higayon nga saulogon ang Domingo sa Pentekostes, ang mga nagkadaiyang sakop sa mga kahugpongan sa Charismatic ang mohimo dayon og mahinungdanong tigom ning halandumong higayon diin nahimugso ang simbahan ug nahatagan og kinabuhi diha sa Espiritu.

Ang Espiritu ingon nga kinabuhi ang naghatag og kainit ingon man kadasig diha sa atong pagpuyo ingon nga mga Kristohanon nga sulod sa hataas nga katuigan ang gigasahan sa maong Espiritu sa mga nagkadaiyang mga hatag nga sarang magamit diha sa pag-inalagaray ug pagkinabuhi ingon nga simbahan.

Gitudloan kita nga ang mga gasa sa Espiritu naglangkob ning mosunod: Wisdom, Understanding, Counsel Fortitude, Knowledge, Piety Fear of the Lord. Mga gasa nga naghatag kanato sa gahom aron mamahimong magpuyo sa paagi nga makahuloganon ning atong kalibutan. Dugang pa ang mga bunga diha sa kinabuhi sa Espiritu ang naglangkob ning mosunod: Charity, Joy, Peace, Patience, Kindness, Goodness Generosity, Gentleness, Faithfulness, Modesty, Self-control, Chastity maoy nakapahimo kanatong lahi sa naandang kultura sa kalibutan. Ning atong panahon sa kalisud ug ning panahon sa dili tiaw nga kagubot atong ipanghinaut nga ang Espiritu magdasig ug maglamdag kanato sa mga higayon sa atong kaluyahon. Veni Sancte Spiritus!