EDITORYAL - Atong bantayan

Angay dayegon ang Kapitolyo sa aksiyon niini pagpasaka og kaso batok sa mga sakop sa Cebu Provincial Appraisal Committee (CPAC) nga maoy mi-review sa kontrata pagpalit sa yuta sa mga Balili sa Tinaan, Naga.

Si Gob. Gwendolyn Garcia mimando niini, dungan ang pagmando nga pakubsan ang P98 milyones nga gibayad sa mga Balili alang sa 24 hektarya nga lapad nga luna niini naglunang sa tubig-dagat.

Apan maayo unta og gihimo kini “in good faith” sa mga opisyal sa Kapitolyo.

Kay kun gihimo kini aron unhan ang resulta sa mas labing halapad nga imbestigasyon sa Ombudsman Visayas aron ilhon ang tulobagon sa mga opisyal sa Kapitolyo, dautan kini nga angay pakgangon.

Kun gidalidali lamang ang imbestigasyon sa Kapitolyo aron pit-on ang mga sakop sa CPAC ug si Bokal Juan Bolo ug maka-eskapo ang tinuod nga naka-benepisyo, bantayanan kini ug maayong unhan sa pagpugong pinaagi sa walay puas nga pagtuki niini.