Giingon sa balita nga naay kandidato nga nanghatag og mansanas. Bisan ang mansanas apple-litical man unta.
* * *
Dunay dakong kahigayonan nga si Manny Pacquiao mahimong Presidente sa nasud. Ang kanhi gikahadlokan sa ring nga si Mike Tyson, musta man?
* * *
Si Tyson washed out na. Gani gikabalita nga adtong miaging Pasko nakit-an siya nga nagtrabaho sa usa ka kan-anan isip dishwasher.
* * *
Ning bag-o pa naay report nga si Mike Tyson nagbuhi og pati (pigeons) nga iyang i-enter sa usa ka pigeon racing contest. May nalang ni kay nganlan siyang stool pigeon.
* * *
Pagka-ospital sa akong amigo nga si Ted, gipadad-an ko siyag "Get well soon" card. Agi'g pasalamat, si Ted mi-text: "Thank you ... wish you were here."
* * *
Sa miaging upat ka adlaw ako nasab nasakit. Gi-teksan ko niya sa iyang "Get well wish". Ako nasad turno ang pagpasalamat kaniya: "Thanks, Ted, I wish you were her."
* * *
Ang mga boring sa siyudad gihatagan og livelihood project aron makapangitag kuwarta sa desenteng paagi. Pipila kanila ang nagduhaduha pa sa pagdawat sa maong tanyag. Kay basin kuno og "from bed to worse" ang mahitabo.
* * *
TRIVIA -- Maayong buntag sa atong mga higala diha sa Litob Kalawisan, Lapulapu City, ang balwarte ni writer Dodong Puentespina.