Gusto na gyud ni Nanay Dionisia nga mo-retiro na sa pamoksing ang iyang anak nga si Manny Pacquiao. Unsa pa may boksingon ni Manny? Made na siya.
* * *
Matud ni Nanay Dionisia makigsulti siya kang Manny kabahin sa iyang hangyo nga moundang na kini sa pagpatu sa iyang dugo ug pagpabun-og sa iyang lawas ibabaw sa ring.
* * *
Maminaw ug mopatuo kaha si Manny sa pangiliyupo sa iyang inahan? Matud ni Nanay Dionisia makadaghan na niyang gihangyo si Pacman sa pagretiro apan pakyas siya.
* * *
Ning higayuna, matud ni Nanay D, iya na gyung tinud-on ang iyang advice ngadtong Pacman.
* * *
Grabe kuno ang iyang bation inig saka na ni Manny sa ring. Ang stress nga iyang maangkon way sama kuno.
* * *
Ang inahan mobati gyud sa kahadlok ug kabalaka kun unsay mahitabo sa iyang anak. Mao ba sad kini ang bation sa mga parasite nga nagpalibot ni Manny?
* * *
Kun moundang na'g pamoksing si Manny daghang mga bitok ang mangamatay sud sa tiyan sa parasites sama sa tigdaladala sa iyang championship belts, mga tigpahid sa iyang singot, mga tig-rah-rah.
* * *
Si Bob Arum kinsa nakasapi og minilyon sa singot, dugo, bun-og ni Manny mangita gyud ni'g paagi nga di pa moretiro si Manny. Naninguha pa man gani nga mahinayon ang away ni Pacman batok ni Flyod Mayweather.
* * *
TRIVIA -- Musta mo diha mga higala sa City of Naga especially kadtong mga nanarbaho sa City Hall.