EDITORYAL - Nagkaduol, nagkainit

Napanid-an sa mga ekspertong tigpaniid nga samtang nagkaduol ang adlaw sa piniliay nagkadaghan ang mga bayolenteng hitabo nga dunay kalabutan sa eleksiyon.

Kini sumala sa report sa Agence France Presse (AFP) diin gikutlo niini ang mga hunahuna sa mga eksperto.

Daghan na ang nangamatay, gawas sa 57 ka mga biktima sa masaker didto sa Maguindanao, ug gipanglantawan nga magpadayon ang “killing spree” samtang nagkaduol na ang Mayo 10.

Ang polis ug militar gitahasan sa pag-atubang niining problema.

Masaligon ang Pangulo nga dunay kaarang kon kapasidad sa pagkontrolar sa situwasyon ang kapolisan ug militar.

Ug kita igo lang sa pagpanghinaut nga dili mapakyas sa iyang pasalig ang Pangulo.    Ni Juanito V. Jabat