Usa ka society matron, miyembro sa usa ka civic club, mitawag sa publisher sa The Freeman (igsuong mantalaan niining Banat News) aron sa pagpadayag sa iyang hunahuna bahin sa usa ka matud niya “makauuwaw nga isyu.”
Samtang nitambong kuno siya’g usa ka social function sa usa ka luho nga hotel nadunggan niya ang usa sa tulo ka lalaki nga nag-ingon kanunay siya sa Cebu weekends kay barato ang mga babaye (commercial sex workers) dinhi.
Milakaw kuno siya sa lain dapit kay lainan siya maminaw sa gipanulti adtong tawhana.
“Wa ba gyud mahimo ang mga opisyal sa siyudad lakip na ang mga polis sa pagsulbad niining dakong kauwawan sa Cebu?” nangutana si Ma’am.
Ingon ko naninguha man ang kapolisan nga masulbad kining isyuha pero saon man, sugo sa kawad-on. Ni Juanito V. Jabat