EDITORYAL - Ang "forgiving heart" sa Pinoy

Usa ka protestanteng misyonero nga Aleman (German) midayeg sa iyang gitawag nga “forgiving heart” kun mapasayloon ang kasingkasing sa Pilipino.

Ang maong German religious missionary mibisita sa editor ning mantalaan dili pa lang dugay.

Daghan siyang napanid-an sa kinaiya sa Pilipino usa niini mao kuno ang pagka-forgiving kon mapasayloon sa Pinoy.

Pananglitan kuno naay mga sundawo nga nakig-away batok sa kagamhanan, napriso, apan gitugotan sa pagsalmot sa eleksiyon.

Naa sad kunoy Pangulo nga nakombikto sa sala nga plunder apan gipasaylo ug gitugotan sa pagpapili pag-usab isip Pangulo.

Busa angay kining hunahunaon kanunay sa mga gipasaylo nga duna silay utang kabubut-on sa gobyerno nga ilang gitamakan.