Ayaw padaug sa El Niño
Balita: Tulo ka suicide kon pagpanghikog ang nahitabo sa Sugbo sud sa miaging 24 oras (nigawas ang balita, Peb. 27, 2010). Duha ka biktima mga Hapon.
* * *
Gidudahan nga dunay kalabutan ang El Niño, diin misaka ang temperatura ngadto sa 34.5 degrees Celcius. Kini pagduda lang. Basin dili ang kainit sa panahon maoy hinungdan sa suicides. Ako ra ni.
* * *
Ang kabugnaw usahay moresulta man sab sa kainit sa ulo. Dili lang kay ang El Niño. Gibalita di pa lang dugay nga didto sa usa ka dapit sa Korea (wa ibutang sa balita sa South ba o sa North) dunay usa ka tiguwang nga naghikog tungod sa grabeng katugnaw sa iyang cabin.
* * *
Suma pa sa balita, nangayo'g heater ang tiguwang apan wa kuno tagda ang iyang gipangayo. Napalgan patay ang tiguwang nga gilikusan ang nawong og woolen scarf. Ug unang theory sa polis mao nga naghikog ang biktima.
* * *
Gibalita sab nga didto sa Vancouver, Canada, diin gipahigayon ang Winter Olympics, duha ka European fans sa ilang isig ka nasud nagsinumbagay ibabaw sa yelo. Miinit ang ilang ulo taliwala sa kabugnaw sa palibot.
* * *
Ang taas nga temperatura nga dala sa El Niño gipaabot sa PAGASA nga motaas pa gayud between May ug June. Apan di ta pada'a sa kainit sa panahon. Di ta mag-suicide. Ang mga shopping mall sa Metro Cebu andam mohatag kanato sa kabugnaw sa kainit.
* * *
TRIVIA -- Greetings sa atong mga higala diha sa Brgy Day-as. God bless.
- Latest
- Trending
