Dunay proposal nga pahamtangan og P300 professional tax ang mga titser sa dakbayan.
Natural mitiyabaw ang mga titser ug ilang pamilya. Kuwang pa man gani ang ilang suweldo kun hisgutan ang gibug-aton sa ilang trabaho.
Apan wala baya gyud kita makadungog sa mga maestra ug maestro nga mireklamo sa gamay nilang suweldo ug sa bug-at nilang trabaho.
Salamat na lang kay mibarog batok niining proposal nga professional tax sa titsers ang usa ka konsehal.
Si Konsehal Jose Daluz III, ang tsirman sa Committee on Budget and Finance sa Konseho, misupak sa maong proposal.
Matud ni Daluz, underpaid na ang mga magtutudlo ug nagbaguod na sa kabug-at sa ilang tahas, unya pabayron pa’g professional tax? Ni Juanito V. Jabat