Human sa dugay’ng panahon diin ang mga tawo mitag-an tag-an kun pirmahan ba ni Presidente Arroyo ang balaudnon nga mihatag og dugang benepisyo sa mga tiguwang, iya na gyung napirmahan.
Matud pa sa uban, hinigtan sa kagamhanan ang paghatag sa maong dugang benepisyo alang sa mga tiguwang.
Apan maayo na lang. Pirmado na ug balaud na ang maong balaudnon.
Ang mosunod nga obserbahan sa publiko mao ang implementasyon niini. Ang pagpatuman. Hinaut nga dili magdikidiki ang kagamhanan sa paghatag niini og hingpit nga katumanan.
Naa ra bay pipila ka mga sektor sa gobiyerno nga miawhag sa Pangulo sa dili pagpirma sa maong balaudnon kay mokunhod kuno ang pundo alang sa nagkalainlaing proyekto sa administrasyon.