Angayan ba nga tuohan ang survey?

CEBU, Philippines - Nagsunod-sunod na paggawas ang resulta sa survey alang sa mga kandidato nga magpapili karong umaabot nga piniliay. Managlahi ang reaksyon sa publiko ug sa mga tawo nga nisuporta sa mga politiko. Apan bisan pa sa kadudahang resulta sa survey, di' nato ikalimod, adunay bahin sa atong tanlag nga motuo sa resulta sa mga survey.   Apan unsa ba gyud ka kredible ang mga survey ug unsay mga nag-unang konsiderasyon nga atong huna-hunaon sa di' pa 'ta hingpit nga motuo sa survey. Ania ang pipila ka pangutana nga angayang tubagon sa di' pa motuo sa survey.

? Unsa man ang survey?

? Na-survey na ba ka?

? Nag-survey naba ka?

? Nganong patok man ang survey sa mga politiko?

Sa mga nanggawas nga resulta sa survey, ang mga politiko ug ilang partido ang unang mopagawas og reaksyon. Nia ang pipila nila ka reaksyon.

? "Labaw ko sa survey."

? "Gamay nalang akong labaw sa survey."

?  "Maapsan ra gihapon nako siya sa survey."

?  "Ang akong kontra ang nibayad sa survey."

? " Ako ang daog sa survey."

?  "Gitikasan ko sa survey".

Laing pangutana nga kinahanglan tubagon sa di' pa 'ta motuo sa resulta sa survey mao nga kinsa ba ang nag-pundo sa survey? Unsa ba ang ilang tumong pagpundo sa survey? Ug unsay ilang makuha sa survey?

?  Ahensya ba sa gobyerno?

?  Media agency ba?

?  Mga politiko ba?

? Political parties ba?

? Mga adunahang kompaniya ba?

Laing hatagan og konsiderasyon ug tan-awon kung kinsa ang nitubag sa survey nga gibalandra sa mga survey group.

?  Kinsa ang nitubag sa survey?

? Pilay edad ug unsay panginabuhian sa mga gi-survey?

?  Unsay partido o panlantaw sa politika sa mga gi-survey?

?  Unsay mga problema nga ilang gisagubang sa dihang gi-survey sila?

Nganong dako ang posibilidad nga di' accurate kun tukma ang survey?

?  Adunay bias sa tubag sa mga respondents.

? Usahay makalibog ang pangutana nga maka-aghat sa managlahing reaksyon kun tubag sa respondent.

?  Adunay coverage bias sa gidaghanon sa mga tawo ug sa lugar nga gigikanan sa mga gi-survey.

May kamatuoran man o wala ang mga survey, angayan tan-awon natong tanan nga ang resulta sa survey gikan sa opinyon sa mga tawo nga gipa-ubos sa survey. Ug tungod kay opinyon man, dako ang posibilidad nga di' sila sakto sa ilang panlantaw, managlahi ang atong panlantaw sa ilaha ug managlahi ang nag-impluwensya sa atong mga tubag ug sa ilahang mga opinyon. Angay natong isipon nga usa ka grupo sa mga tawo ang gipa-ubos sa survey ug ang kahimtang sa maong dapit o sa mga tawo nga gipa-ubos sa survey, lahi sa sitwasyon sa dapit nga atong gigikanan. Di' tingog sa mayoriya ang tingog sa survey. Di' baruganan sa tanan ang survey.

Email: [email protected] or [email protected]