EDITORYAL - Naa nay kuwarta alang sa CCMC?

Malipayong gipahibawo ni Mayor Tomas Osmeña ang pagbayad sa SM Holdings og minilyong kuwarta alang sa yuta nga gipalit niini diha sa South Road Properties (SRP).

Sa sayo pa, gipahibawo sab sa Mayor nga duna say kuwarta nga gibayad ang Filinvest sa yuta sab nga gipalit niini sa SRP.

Usa ka magbabasa niining mantalaan mihangyo sa kagamhanan sa siyudad nga kun mahimo gahinan og hustong kantidad ang pagpa-improve sa Cebu City Medical Center (CCMC).

Kay naa naman kahay kuwarta gikan sa pagbaligya’g yuta diha sa SRP.

Dasunan namo ang hangyo sa atong magbabasa. Ang CCMC maoy labing importanteng atimanonon sa siyudad tungod kay alang kini sa kinabuhi sa mga lumolupyo ning atong dakbayan.