EDITORYAL - Batasanon ang pagbasa'g mantalaan
Gibalita nga usa ka hepe sa usa ka buhatan sa gobiyerno wala masayod sa mga reklamo sa media batok sa iyang opisina.
Kay ngano? “I don’t read the papers. I don’t listen to the radio,” matud niya.
Lahi siya ni kanhi US President John F. Kennedy kinsa ang unang buhaton niini pagmata-mata gyud sa buntag mao ang pagbasa sa newspapers ilabi na sa sinuwat sa mga opinion writers.
Gusto kuno siya nga masayod sa pulso sa katilingban una siya mosud sa iyang opisina.
Mao sab ni karon si US President Barrack Obama. Himasa’g newspapers. Sayud siya sa opinyon sa mga kolumnista bahin kaniya.
Batasanon sab unta sa atong mga opisyal sa gobiyerno ang pagbasa’g mantalaan aron masayod sila sa mga opinyon ug panahom sa mga komentarista nga nagbantay sa ilang lihok opisyal. Ni Juanito V. Jabat
- Latest
- Trending
