Paspas na ang mga infomercial sa tv ug print sa atong mga kandidato pagka-Presidente. Naay usa diin kapila ipagawas sud sa 30 minutos.
Paspas na kay hapit na ang Pebrero 8 diin dili na sila makapatuyang og baligya sa ilang kaugalingon ngadtos mga pumipili.
Hinuon kadto rang dunay milyones ang makapaspas sa infomercial aron makapahimulos sa kahigayonan. Gani gikataho nga usa ka kandidato misaka gyud sa survey gumikan sa kapaspas sa iyang tv ads.
Inig-abot sa Pebrero 8 hinayhinay na ang political ads ug matud pa sa mga eksperto makapabor na kadtong wa kaayo’y ikabuga nga sapi alang sa tv ads.
Apan magpadayon gihapon ang sinabligay og lapok pinaagi sa radyo baba.