Erap at Binay nanguna sa 'mock election' sa Kuwait
SINA Puwersa ng Masang Pilipino (PMP) presidential candidate Erap Estrada at vice presidential bet Jojo Binay ang nanguna sa “mock election” na isinagawa ng Pilipino community sa Kuwait kamakailan.
Dahil dito, kami ng aking panganay na anak na si Senate President Pro Tempore Jinggoy Ejercito Estrada ay nagpapasalamat sa patuloy na sumusuporta kay Erap at mga kasamahan sa PMP.
Sa mock election, 55 Pinoy ang lumahok na kinabibilangan ng 33 lalaki at 22 babae, kung saan ang lima ay nasa age bracket na 18 to 25 years old; ang 25 ay edad 26 to 35; labinlima sa 36 to 45; walo sa 46 to 55; isa sa 55 to 65; at isa sa above 66 years old na age bracket.
Nanguna si Presidente Erap na nakakuha ng pinakamataas na botong 25 o katumbas ng 45%; kasunod si Noynoy Aquino (20 boto o 36%); ikatlo si Gilbert Teodoro (anim na boto, 11%); pang-apat si Richard Gordon (tatlong boto, 5%); Manny Villar (isang boto, 2%); habang sina John Carlos delos Reyes, Jamby Madrigal at Eddie Villanueva ay walang nakuhang boto.
Sa vice presidential race naman, si Jojo Binay ay nakakuha ng 18 boto o katumbas ng 33%; si Mar Roxas ay nakakuha rin ng 18 boto (33%); si Bayani Fernando ay 8 boto (15%); kasunod si Loren Legarda (7 boto, 13%); Edu Manzano (2 boto, 4%); Dominador Chipeco (1 boto, 2%); sina Jay Sonza at Perfecto Yasay ay parehong walang nakuhang boto; at isa naman ang nag-abstain.
Ang mock election ay nagpapatunay na si Erap at ang PMP ay mahal na mahal ng mga Pilipino hindi lang dito sa ating bansa kundi pati rin sa ibayong-dagat.
- Latest
- Trending
