Nagsugod nga kalmado ang mga kandidato alang sa pagka-Presidente sa umaabot nga eleksiyon. Bugnaw ang mga pulong. Wala’y kainit sa ulo ang atong namatikdan.
Karon nga nagkaduol na ang piniliay, nag-anam-anam na kainit sa mga pulong nga buhian sa pipila ka mga kandidato batok sa karibal sa puwesto.
Nagsugod na ang name-calling ug insultong personal.
Manghinaot kita nga ang mga kandidato lang ang masigbuhiay og masakit nga pulong, dili na lang moapil-apil ang mga supporters niini.
Ato nang nasaksihan ang mga panag-away sa mga loyalista sa mga kandidato diin dili lang binabaay ang nahitabo kun dili ginamitay pa gyud og mga hinagiban nga makapatay.
Peace lang ta taliwala sa mga mainit nga pulong sa atong masigka-idolo. OK? Ni Juanito V. Jabat