Tigom sa mga "old pros"

Ang World Conclave of Old Professionals gipahigayon didto sa Italy adtong miaging tuig. Panagtigom kini sa mga commercial sex workers nga atong gitawag dinhi nga boring o ba kaha mga babayeng mugbo'g lupad.

* * *

Gikataho nga dul-an sa usa ka libo nga mga "old professionals" ang nanambong. Gikan kini sa nagkadaiyang dapit sa kalibutan. Wala mahiapil sa listahan ang Pilipinas.

* * *

Suma pa sa balita, dihay mga boring kon "old pros" nga gikuyugan sa ilang mga anak babaye kinsa mga boring sab. Tuay usa ka 68 anyos na nga retiradong old pro kinsa mikuyog sa iyang apo nga misunod sa iyang "propesyon."

* * *

Ang maong retiradong sex worker dunay duha ka anak nga iyang napahuman sa kolehiyo gikan sa iyang kinitaan sa pagpamoring.

* * *

Ang katuyuan kuno sa gihisgutang World Conclave of Old Professionals mao ang pagsilsil sa hunahuna sa katawhan nga ang pagpamoring usa ka legitimate calling kun trabaho.

* * *

Daghang salamat ngadto ni Liberato Cheng kinsa maoy mi-share kon mipaambit kanato niining impormasyon. Si Mr. Cheng usa ka buy-and-sell trader kang kansang hobby mao ang pagkolekta'g mga offbeat news nga iyang masugatan sa mga mantalaan o ba kaha madungog sa tv or radyo.

* * *

TRIVIA -- Happy New Year diha sa atong mga higala sa Bogo City Hall. Ug kudos sa inyong kadaugan (diin hingpit na gyud nga nahimong siyudad ang Bogo).