ENERO 3, 2010: Domingo sa Epipaniya sa Ginoo
Mga Pagbasa: Pagbasa: Is. 60;1-6/Ef. 3;2-3a/Mt. 2;1-12
Sa karaang panahon adunay duha ka mahinungdanong kasaulogan ang simbahan. Ang Pasko sa Pagkabanhaw ug ang Epipaniya. Ang Epipaniya nga nagkahulogan sa literal nga pagsabut og pagpadayag, maoy timaan nga ang Dios nisulod sa tawhanong kasaysayan diha sa nagkadaiyang dagway sa kulturanhong bayhon sa kalibutanong pagkinabuhi. Ang tulo ka mga maalamon (sa Griyego "magoi") ang nirepresentar sa mga nagkadaiyang dagway sa kultura nga sa kinaugalingong pamaagi misimba sa Dios nga alang sa tanan. Ang Epipaniya nagdasig kanato aron mamahimong inclusive diha sa pakiglambigit sa mga tawo regardless sa ilang kultura ug kaliwat.