EDITORYAL - Ipamatuod nga angayan sila

Nagmadaugon gayud ang 16 ka bag-ong siyudad, lakip na ang Naga, Carcar ug Bogo dinhi sa Sugbu. Gibali sa Labaw’ng Hukmanan ang desisyon niini nga dili angay’ng himuon nga dakbayan ang maong mga siyudad ug ibalik sa ilang daang status nga munisipyo.

Kini human nangayog rekonsiderasyon, tulo gyud ka higayon, ngadto sa Korte Suprema ang 16 ka “kuwestyonableng” dakbayan.

Daghan ang mga wa mahiuyon sa pag-reverse sa Labaw’ng Hukmanan sa sayong mga desisyon niini apan wala sila’y mahimo kay pagbuot man   sa Korte Suprema.

So, hingpit na nga siyudad ang 16 ka bag-ong dakbayan. Kinahanglan nga ipakita niining mga bag-ong siyudad duna sila’y ikabuga ug nga wala masayop ang Labaw’ng Hukmanan.