Unsa may buhaton sa bag-ong Presidente aron mapakusog ang paglambo sa ekonomiya sa nasud?
Kining pangutanaha atong gipatubag sa tulo ka mga respetadong Sugbuanon sa nagkalainlaing propesyon. Ug sa separadong okasyon.
Nagkapareha ang ilang tubag: Paphaon ang korupsiyon sa gobiyerno.
Matud sa university professor menosan ang mamirma sa permit sa mga opisina sa kagamhanan lakip na sa City Hall ug Capitol.
Ang businessman misugyot nga patas-an ang silot sa modawat ug mohatag suborno.
Kini kunong suborno maoy numero unong hinungdan sa korupsiyon.
Ang panahom sa ikatulong interviewee nato miingon: “Kinahanglan adunay political will ang bag-ong Presidente sa pagpatid sa mga corrupt sa gobiyerno.”
Duna pa may laing factor nga makapalambo sa ekonomiya apan alang sa tulo natong interviewees ang pagpukan sa korupsiyon maoy no. 1.