EDITORYAL - Mahinayon unta ang debate

Sumala sa balita, ang KUSOG (kun Kugi Uswag Sugbo) mi-propose (hagit?) ngadto sa BOPK (kun Bando Osmeña Pundok Kauswagan) og debate bahin sa mga isyu nga dunay kalabutan sa ilang (KUSUG ug BOPK) tinguha sa pagsilbe sa dakbayan sa Sugbu.

Daghang mga tigpaniid ang miuyon sa maong debate kay anha diha mahibaw-an, gikan gayud sa baba sa mga kandidato, ang mga plano sa maong mga kandidato ug kon hain niining mga planoha ang angayang sagopon sa pumipili.

“Political debates can make or break a candidate,” suma pa sa usa ka batid nga political writer sa Amerika.

Ang mga debate kuno makahimo o makaguba sa usa ka kandidato. Kini depende sa iyang performance sa debate.

Manghinaut kita nga kining giproponer nga debate tali sa BOPK ug KUSUG mahinayon aron kahatagan og kahayag ang mga botante bahin sa plataporma sa duha ka pundok.