Nagpadayon ang dinagkong krimen sa Basilan sama sa kidnapping for ransom, pagpangambus, pagpanglugos, ug uban pa.
“Nagpadayon ang kagubot sa maong dapit,” obserbar sa usa ka protestanting pastor nga milayas sa maong probinsiya.
Misugyot kini nga ipaubos sa martial law ang maong isla kay nagtuo siya ug mga pipila sa mga nanimuyo sa maong lalawigan nga mao ray paagi nga makalingkawas ang katawhan sa pagpangabuso sa Abu Sayyaf ug uban pang mga armadong tulisan.
Ang mga opensiba nga gihimo sa militar batok sa Abu Sayyaf wala gyud makapaluhod sa maong bandidong pundok.
Nagpadayon ang pagpangabuso, pagpangidnap, pagpamunggot og ulo, etc.
Nagtuo ang pastor nga mas makapaluhod sa Abu Sayyaf ang martial law diin ang militar dunay gahum sa pagpiang niining mga abusadong bandido.