EDITORYAL - Isentro sa masaker ang imbestigasyon

Gilibkas na ni Presidente Arroyo ang Martial Law nga iyang gideklara didto sa Maguindanao.

Ang security panel sa kabinete maoy mirekomendar sa paglibkas sa balaud militar gumikan kuno kay nakab-ot na ang katuyoan niini.

Unpopular kaayo ang Martial Law declaration ni Pangulong Arroyo. Ang nipakita la’g suporta mao ang mga taga administrasyon.

Karon kay wa nay Martial Law hinaut unta nga isentro sa kagamhanan ang panlimbasog niini ngadto sa masaker nga maoy hinungdan ning mga kasamok sa Maguindanao.

Ang Martial Law nakapasimang sa makadiyot sa konsentrasyon sa imbestigasyon sa masaker nga mao gyu’y kinahanglan og higpit nga atensiyon.