Kay nadeklarar na ang martial law sa Maguindanao, angay nga pahinumduman ang kagamhanan, partikular na ang militar, sa bintaha nga ilang nakuptan ning higayona batok sa mga warlord sa maong dapit.
Dili unta abusahan ang balaud militar sa mga gitugyanan niini sama sa nasinati sa nasud atol sa Marcosian martial rule.
Karon naa sa paborabli nga posisyon ang kagamhanan nasyonal aron sa pagsulbad sa mga problema sa Maguindanao nga malisod sulbahon ubos sa balaud sibil.
Mahimo nang puohon ang mga private army sa mga gamhanang politiko nga nakapalisang sa mga mabuot nga lungsoranon.
Manghinaot kita nga makab-ut sa gobiyerno ang gitinguha niining kab-uton ubos sa martial law.