Daghan pang mahitabo until election day

Bisag duol na, apan, layo pa baya ang eleksyon. Daghan pang manghitabo, ug bisan tuod og sila si Kris ug mga kauban, tingalig nag sight-sight na sa mga puwesto nga ila unyang mahuptan iniglingkod na ni Noynoy, apan, wala pay hingpit nga makaseguro kon unsa gayud ang resulta sa eleksyon, kaylagi daghan pa kaayong manghitabo sa maglakaw ang adlaw until election day.

Pananglitan, inigpanggula na unya sa mga isyo, nga sa pagkakaron, wala pa nato hisayri batok o pabor niini nga kandidato, daghang mga opinyon, mga disisyon ug mga pangagpas ang mausab.

Ang mga tawo ra ba karon, issue-oriented na. Ang resulta sa 2007 election, nagpakita nga dili na mosalir ang popularity, kay daghang mga artista ang wa kadaug. Unya, dili na kaayo mosalir ang daghang kwarta tungod kay si Senador Trillanes, ambut nakagasto ba, midaug man.

Sa ato pa, we have already an educated electorate. Mangutana na sila karon kon unsay mga qualification sa atong mga kandidato – dili enough nga ilang ibasi ang ilang boto kon kinsa ang mga ginikanan sa buot nilang botohan. Mo-think na karon ang mga botante, both ang mga senior citizen ug mga batan-on, otherwise, nangharos unta ang mga kandidato ni Gloria sa miaging election.

Nia pa, nakamatikod mo sa tag-full page nga advertisement ni kanhi DPWH Secretary Ebdane? Katapusan nakong hibaw-an, modayon gyu’g dagan pagka-Presidente, dili pagka-Senador lang. Sa ato pa, dugang pagkasiak-siak sa boto. 

Specifically, makaseguro ka Dro, nga tungod kay di gyud manimaho si Gibo sa survey, pilde na siya? Makaseguro ka nga si Noynoy na ang sunod natong Presidente? Hinumdumi nga gikan sa 60%, nga rating ni Noynoy nanaug ngadto sa 44%. Hinoon, siya gihapon ang nag-una. Apan, unsa may nahitabo sa 20% ? 

Angay sang i-consider nga maayong pagkabuak ang oposisyon, kay silang tanan gustong mag-presidente, unya wa ra ba kini silay klaro nga support gikan sa kalungsuran ug kabaranggayan. Sa gusto tag sa dili, kinahanglan dunay modala sa ngalan sa mga pilionon diha sa mga lungsod ug mga barrio. Sa ato pa, kinahanglan kompleto ang lineup hangtud sa municipal level, ug kinahanglan lig-on ug well-funded ang makinarya. Suma unsay nahitabo ni FPJ nga walay mga kandidato sa local level.

Anyway, kon pananglitan, molihok na ang massive nga makinarya ni Gibo up to the barangay level, unya kompleto sa tanang kandidato nga modala kaniya, would it make any difference? Indeed, daghan pang mahitabo until May 2010.