Daghang mga binut-ang tambag ang nanggawas sa mga mantalaan alang kang world boxing icon Manny Pacquiao.
Ang mga tambag pulos gayud awhag ngadto kaniya nga dili niya ipadayon ang iyang plano sa pag-apil sa politika.
Usa ka tambag nga angay’ng paminawon ni Manny mao kining gikan kang Mr. F. Sionil Jose, tinamud nga respetadong magsusulat sa nasud ug sa Asya.
Sa usa ka artikulo nga gisuwat ni Mr. Sionil Jose sa Philippine Star, kini mitambag nga imbes mogasto si Manny sa mga butang politikal adto siya mogasto sa charity ug mga proyekto alang sa kalamboan sa sports sa nasud.
Kun tumanon kini ni Pacman nagtuo si Mr. Sionil Jose, ug kita usab, nga dunay bililhon nga legacy kon kabilin nga iyang mabilin sa nasud.