Nagpadayon ang kalagot ni Mayor Tomas Osmeña sa giproponer nga Light Railway Transit (LRT).
Mipasumbingay na siya nga kining proyekto nga giduso ni Rep. Eddie Gullas pinaagi sa balaudnon, pareho ra sa lampposts project nga nanimaho og korupsiyon.
Misinta si Kongresista Gullas kinsa wala pa dungga nga nalambigit og anomalous projects.
Tungod kay dili na man gyud matuman kining LRT gumikan sa pagbabag sa mayor niini, mas maayo tingali nga sugdan na sa mayor ang pag-implementar sa iyang Bus Rapid Transit (BRT).
Ang dakbayan sa Sugbu nagkinahanglan sa labing madaling panahon og modernong mass transport aron masulbad na kining problema sa pangpublikong sakyanan nga dominado ning panahona sa antiquated kun karaan nga PUJs.