Usa ka batan-ong piniyalan ang mihimo og lakang alang sa kaayohan sa iyang gialagaran. Apan luyo diay sa iyang kasayuran adunay mga edaran ang buot mokwestiyon sa iyang mga lihok nga kuno walay pagtugot sa iyang labaw. Pastilan! siya nakatuwaw: "Ang tawo usahay nga bisan kun dunay sentido komon ang dili gyud mogamit niini aron magmabungahon."
Pamalandong
Alang nako ang bisan unsang lakang nga maayo ug gikinahanglanon sa panahon ang dili na angay'ng batikoson. Kay ang naghinobrang paglihok sa utok diin paralisado ang kamot ang dili gihapon magmalampuson.